एलखिन मैया (मैथिली गीत )

• Facebook
• Twitter
• Google+

एलखिन मैया।।

रुन-झुन गुन-गुन गाबै पुरबैया
कहांदिन एलखिन मैया,
सभहक करै ला उपकार 
फेरो एलखिन मैया।
*
बिहूँसि बयार चलै
माँ'संदेशा लाबै छै,
झुमि झुमि निमियां गझिया,
मैयाकें बजाबै छै। 
बाजि रहल छै चहूँदिस
बाज बजैया कहांदिन
एलखिन मैया।
सभहक करै ला उपकार.....
*
अंगना दुहारि बहारु
चौका पुराबु यौ,
गेंदा गुलाब अरहुलक
माला बनाबु यौ।
चम चम चमकी बाला
चुनरी ल आबू
खुश भ जेथिन मैया।
सभहक करै ला उपकार.....
*
सुनलौं या मैया अप्पन
बाध चढि आबै छै,
दीन दुःखी भक्तन कें
मंसा पुराबै छै।
चरण पखारब माँ कें
चलु न यौ भैया।
कहांदिन एलखिन मैया।
सभहक करै ला उपकार......
*
मैया छै मैहर वाली
जग मे महान यौ,
सुमिर सुमिर भव तरलै
दुनिया जहान यौ।
अंचरा छै धेने माँ के
सुबोध गबैया।
कहांदिन एलकिन मैया
सभहक करै ला उपकार.....
------
©सुबोध चौधरी।।